Selamat Hari Gawai 01.06.2014

Salam Gawai Dayak to my families and friends also dedicated to all my ex-colleagues in Miri, Sarawak.
Selamat Gawai Dayak to all of you whosoever celebrating it.

salam kejauhan ari ku, sinu ati endak ulih pulai maya gawai taun tok. Sitik jak sampi ku arap ke kita semua lantang dalam smua pengawa serta maju dalam pengidup.  Arap taun 2014 tok merik penyenang ngai kitai serta di murah ke rezeki serta di pedak petara.

Ngai mak ngau apai ku bersampi arap ke seduai lantang serta gerai belama, ngai akit ku di Marudi arap ke akit gerai gak...

Selamat Hari Gawai Gayu Guru Gerai Nyamai.....
Ku rindu ke kita semua.

01.06.2014 (Sunday)

Berasai gaga ati aku nerima
Nerima kad ari gawai dayak 
Sapa meh ti ngirum ia 
Pangan lelaki indu dara 
Aku enda nemu nyangka ngapa 
Aku enda sabar lalu muka ia 
Nama pesan nama berita dibai ia 
Ati aku ambis pengerindu Ambai lama 
mai betemu Ngasuh datai ngabang gawai dayak 
Bisi ati malu bisi ati gaga 
Lebuh ku ngingat begulai enggau iya 
Lama udah enda betemu 
Aruh lelenggau atiku diatu 
Nuan ambai lama aku 
Tekenyit amai ati aku diatu 
Nerima kad gawai nuan sulu 
Enda sabar ati aku Deka ngabang ngagai nuan sulu 
Maya ari gawai dayak taun tu 

Selamat Hari Gawai 2011

Tuju ngagai semua kaban belayan,

Selamat Ngintu Gawai Dayak 2011, Gayu Guru, Gerai Nyamai, Lantang Senang, Bulih Duit Bulih Ringgit, Kaya Raya Nguan Menoa.

Entara Dua - Clemence Joy's

Antara Lagu iban tik paling ku minat, leka lagu tok penuh puitis mulai ke pengingat maya putus pagan suba.....



Sesingkang kaki ku mansang
enda surut ke belakang
Bai ati enda ulih tagang
biar meh tanah diindik berenyang

Sempadan semak dilanda
aku sanggup nujah aja
enggai meh aku enda sangkai
biar ngerayap mupuk begadai

Bakanya pengerindu aku baka pengelabuh punggu
laban nuan mungkal ninggalka aku
aku nadai daya nyau suntuk penemu
nuan udah dulu ngelebu

Entara dua..tu pengujung tua
enda besambung agi naka tu aja
badu nuan ngarap sayau pan nadai reti
laban tua udah enda saum ati..

Sempama Jako Iban

"Baru ngelangkah sesingkang udah bekalau panjung neratang ka diri menang"
- Orang ke sumbung madah ke diri lebih ari orang bukai taja pan utai diulih iya mimit aja lebih ari orang bukai.

"Baka tapang diwan rembia, baka lubok diwan baya”
- madah ke siko-siko orang indu udah bisi orang empu tauka bini orang.

"Baka remaung di rumah, baka raung di tanah”
- orang ti regas tauka kering di rumah tang ngereja pengawa di tanah nadai endar pengering tauka utai ulih.

"Banyak tai badak, mayuh tai nyumboh”
- Bala tubuh aja mayuh leboh ngereja utai, tang utai ulih enda ngipak ke pemayuh tubuh.

"Dulu manjung ba pala wong"
- Bedau Belaban tauka bertanding dah madah diri empu menang.

"Bisi niki pinang, bisi niki nibong”
- Besiping atur/adat ,tauka enda adil/betul magi /mutuska pengawa.

"Baka pipit ti deka nelan buah embawang”
- Disema ke ngaggai Orang ti ngembuan juluk ati ti besai ,tajapan iya endang nemu utai nya endang enda ulih di kerja.

"Injau Kara”
- Disema ngangai org tik nginjau utai orang tang enda dianjung pulai agi.

"rusa di kaki tangga enda diemparu"
- Deka kiruh ngereja pengawa orang tang pengawa diri empu enda dikeibuhka.

Asa Ati Aku

ku enda nemu kini mai diri
ku enda nemu ngubat ati pedis
nuan ti di kesayau nyau udah ninggal ke aku

asa ati aku sulu ka ngempu nuan ngelama tu
enda nyangka nuan mina ngasuh ati lebu
aku diatu nadai daya aku udah ambis kira

sulu aku udah diempu urang
mina ngasa bepangan alang-alang
diatu dini semua janji tik nuan beri ngagai aku

nadai nuan ngira ke pengeran ati tua sulu
ila meh aku meda bakani nuan enggau iya
udah pemegi nuan sulu ngasuh atiku seilu-ilu.. beraie ke nuan...

cukup meh nuan medis ke ati ku teju ke aku ngasai pemedis ati......

Jako Pransang Dalam Pengerindu Bersulu

(Pengerindu endak kala dipinta ia selalu diberi, pengerindu ngemai pemerinsak tang endak kala ngajar kitai pembenci tau ke bermunsuh. Dini bisik pengerindu diak meh pengindup.)

(Anang meh disimpan jako pengerindu ngagai org tik di sayau laban entik ya dah nadai jako pengerindu nya mina ditulis atas kubur iya….Berik meh jako pengerindu ngagai org tik disayau tiap ari seagik iya agik ulih ninga.)

(Petara selalu merik mayoh penguji dalam pengerindu sebedau merik kitai bertemu ngau org tik bendar sayau ke kitai. Petara ka kitai belajar ari pengujinya lalu maya dah tetemu ke org tik sehati, maya nya kita berterima kasih ngau pemberi petara.)

(Anang sekali ngasa ke ati org tik sayau ke kitai entik dah nadai nasid bergulai anang meh nyimpan pembenci, simpan meh pengerindu wak ke nyadi pengingat dalam dirik antara iya tau ke nuan.)

(Anang lari ari pengerindu entik dah di depan mata laban maya nadai ila nuan nyesal dirik nadai guna, laban pengerindu tik tuci mina datai sekali dalam pengidup)

(Pengerindu endak kala buta, Pengerindu tik tuci datai ari ati tik tuci….jaga meh hati org tik sayau ke kitai anang selalu mengemedis ke hati iya, beri meh pengerindu tik meruan tik ulih dikenang sampai ke mati…)

Pengerindu Terubah

Aku tegenung duduk kediri ngenang penusah ati

Ngenang ka penadai pagi ila

Ngenang ka penadai malam ila

Ngenang ka pengidup nadai nuan

Nama meh guna pengerindu di hati

Entik penyayau nuan mina di ati iya

Sayau bunga pengerindu tik ku beri

Kini janji nuan suba tik ka hidup semati

Nama meh guna sumpah tik nuan beri

Penusah ku ditinggal kah

Agik terbayang dalam ati ku

Berasai cukup meh pemedih udah dilengka

Ke nuan nadai laya ketegal iya...

Endang aku dah lama nemu nuan ka mai berserara

Pengerindu nuan dah berasai berubah

Nadai meh guna tua ngenang agik pengerindu tik dulu

Simpan meh di ati pengerindu tua suba

Tebeleka pengerindu tua saritok

Taja pan tua sulu dah lama beserara

Tang pengerindu ku endak ulih di anti lela

Sayau pengerindu ku pangka ke ribut biau balai

Diempas ke panas kemarau panjai

Anyut jelatong enda tepangai

Mudai diperimba di pumai orang bukai

Sulu,

Taja pan nuan ngau aku udah endak bergulai pengingat tua bergulai tetap ku ingat. Nuan meh pengerindu tik terubah dalam hidup ku, engka ila lusa aku bisik org tik bukai nyangka aku endak ulih merik iya pengerindu tik baka ku beri ke nuan suba.

Sulu,

Ukai nyumpah atau nganu sulu, entik ila iya endak mentas tau ke ninggal ke sulu anang meh nuan nesal laban maya nya ila nuan ulih ngasai keni asai pemerinsak tik ditinggal ke org disayau....

ENTELAH IBAN

1.Pisang saikat enda alah pakai.
(tunjuk)

2.Sirat apai Sali enda ulih belit.
(Jalai)

3.Damdak apai Sali enda ulih tiap.
(Ujan)

4.Luan ditanya Kemudi tik nyaut.
(Iko Ukoi)

5.Asi mansau Periuk pechah.
(Buah Kemunting)

6.Bubu basah ikan rangkai.
(Kitai dalam rumah)

7.Telaga org dipeda, telaga dirik empu enda.
(Mata)

8.Raga orang dipeda, raga dirik empu enda.
(Gigi)

9.Kumang niti batang gilik-gilik, Kumbau belangkau tengah tasik.
(Tekuyung)

10.Ba enda bau, but enda but.
(Bahu)

Cherita Kelulu pandak

Bisi siti cherita ti pelaba ka aku tau ngasuh ati kitai rindu tauka ketawa. Cherita tu munyi tu. Ba siti kampung, bisik siko pengayuh sampan, ari sitik iya benong ngemai bala penumpang ia ngagai seberai. Nyadi endak mukai-mukai, siko orang putih deka nepan sapan iya. Ko orang putih nya madah ke iya “wait for my fren, wait!!!” Tang pengayuh nya majah guit ke sampan iya, org putih nya majak madah “wait for my fren, wait for my fren!!” alu nyau meh sida pengayuh sampan tu nuju tempat tik ka dituju penumpang ke lain.

Laban ke pedis ati kaban iya ditinggal ke sampan lalu mucau-mucau meh org putih tu naik sampan lalu nyebut “Bullshit You!!!!” laban ke nadai sekula pengayuh nya pun madah “apu nemu makai rusit org putih tok pia, legik meh ku merik nuan” ko iya….Datai meh pengayuh tok ngagai org putih nya lalu merik rusit ngagai iya, endak mukai2 org putih nya terkejut lalu “No…..no, what is this???” Lalu pengayuh nya pun madah “Nama utai ko dik? Dik madah pedis betis pia legik ku ngurut” Lalu org putih nya pun berjako “Derrr What Wrong with you!!! I don’t understand about this!!” Laban ke belik pengayuh tok pun ingat org putih nya ka ngagai grandstand…..lalu di anjung iya ke grandstand meh uchak nya.

Sampai grandstand org putih nya pun merik jako “Thank you sir, this is your pocket money”. “Apoooo amai manah org putih tok bedau kala aku nerima duit nyampau tok 50ringgit, terima kasih belacan tunu” ko iya. Bakanya meh cherita kelulu org suba tik nadai besekola tapi rajin bekeja, kitai ga endak nemu saut ngapa meh baka itik ngau manuk heheheeee

Nadai Nasid bergulai

Pesan ku arap ke nuan lantang belama

Ngau orang tik ulih merik penyenang ke nuan

Pergi meh nuan sulu engau iya tik dipilih nuan

Anang irau nadai dendam benci dalam hatiku

Biar ku ngemai ati tik hancur telih

Aku ngundur kedirik ngau airmata

Endak ku nyangka tua beserara

Ku simpan semua kenangan tua suba

Endak berasai airmata ku keberai

Ku harap ke nuan sulu lantang belama

Ukai ku endak sayau agi sulu

Ku harap nuan pun nemu….

Nadaiku ngungkit semua utai tik ku beri

Entik dah tertulis dalam hidup tua nadai nasid begulai

Pergi meh sulu ku endak pedis ati ke nuan

Cuma penyayau ku ke nuan agik baka suba…

Jai amai nasid ku enda kala mujur dalam besulu

Selamat Hari Gawai Dayak (01june)

Ku hulur salam seharum Tiger,
Kasih sayang sejernih Langkau,
Setulus hati sejernih Barcadi,
Walaupun dosa ku sehitam Stout,
ku minta ampun maya gawai tok ngai famili serta semua kaban ku entik bisik salah jako maya bergulai.....Selamat Hari Gawai!!!

Enggau sampi tok,
Aku minta kami chelap embap,
Minta gayu guru gerai nyamai,
Bidik lansik, bertuah limpah, kaya raya,
Aku minta tulong, minta pandang, minta inching ngau minta perening.

Awak ka kami mudah bulih duit bulih ringgit,
Bulih padi, bulih puli, bulih reta, bulih tengkira,
Bulih setawak serta bulih menganak.

Ngambik ka kami jelai rita manah nama,
Nunchong baka bukit Rabong menoa,
Tinggi baka langit nungkat neraja,
Terang baka pandang bulan purnama.

Nya alai dinga ka kangau anak mensia kangau anak uda,
Minta tulong minta sukong,
Antu udah ka nemu,
Petara udah ka ninga...
Leka sampi leka biau kitai tu tau nyengenda nyadi nyata....oooooooooooo haaaaaaaa

Selamat ngintu Hari Gawai Dayak Taun 2009 ngagai semua kaum dayak di sarawak,
Gerai nyamai serta lantang senang nguan menua.....

Hapi Easter

Tajapun Hari Easter dah limpas 6hari aku ka merik selamat gagai semua kaban kristian, penguji tik mayoh datai dalam pengidup kitai dalam rebak kemaya hari tok. Kitai nemu nama tai penguji nya ngau sitik pengarap sereta selalu ingat ke Tuhan tik merik pegelantang dalam idup kitai.

Hari Easter, ngigat ke kitai ngau pemati Tuhan Jesus tegal dosa kitai mensia… kitai sama berati ka pemedis Tuhan Jesus diperinsa Iya disipat, diasuh ngesang regang ti berat amat sampai ka tiga kali Iya tumbang nyembah tanah… Sampai ba bukit Golgota Tuhan Jesus lalu diregang jari ngau kaki Iya dipantang ngau paku, rusok Iya ditusuk ngena sangkuh ti tajam lalu ngejung ka Iya mati.

Hari tok meh nanda ka pemenang kitai Kristian ngalah ka kuasa pemati semengat, Lalu hari Easter mega hari kitai Kristian sama berkering ka pengarap kitai lalu ngarap ke pegidup kitai diberkat ulih JESUS.... AMIN.

Even though you can't see Him, GOD is there for youWhen Jesus died on the cross, he was thinking of you! BLESSED EASTER

Munuh Dirik sitik Penemu tik Salah

“Endak ku nyangka nuan kumang dulu ngindang ari aku, Sayau meh nuan tajau didinga rita pecah, sangka ku aku dulu ngidang pegi nemunya nuan, laban nadai kala ninga rita nuan sakit tajau” sinu ati ninga bunyi sabak sebana ati ini tuai agai anak ya ke mati munuh dirik ketegal laki ya berbini baru. Munuh diri sitik utai tik salah dalam undang2 tau ke agama, semua agama dalam dunia tok sigik endak nyagi kitai milih chara tau ka jalai tok laban ia DOSA paling besai. Lapa kitai mensia terlalu kempang ati ngambik penemu sereta runding tik pandak baka tok dalam nyelesai ke pemerinsak ngau penusut pengidup. Silik pansik ke dibacha aku ari suratkhabar ngau buk bisik madah mayoh pekara tik tau ngemai gagai utai tok nyadi…5 itik pekara dikosing aku gagai kitai semua tik ngasuh kitai mensia milih jalai muntang tok:

1) Umah tangga pecah/endak meruan.
Umah tangga tik endak merik penyenang tau ke pengidup tik manah gagai anak/apai /indai tik selalu belayak ketegal nadai sama penemu. Utai baka tok meh punca anak/indai/apai sidak ke tertekan pengidup ngambik penemu tik salah tok dalam nyelesai ke penusut runding dirik. Kitai mensia sigik endak lari ari salah penemu tau ke salah jako ngau pagan dirik sitik jalai ngena nagang tai tok ari jadi bala apai indai tik belayak anang sekali di depan anak, bakanya ngau bala anak anang terlalu ngenusah ke ati apai indai ngau jako tik kasar tik tau nyeliban lalu ngemedis ke ati sidak. Duduk berandau ngau manah lalu berunding chara tik manah ngena nagang ari belayak.

2) Putus pengerindu
Pengerindu antara bujang ngau dara, laki ngau bini, laki org ngau induk dara, bini org ngau org bujang semua tok pun ulih jadi punca entik pengerindu sidak tok endak disagi. Dalam pekara baka tok ati ngau penyayau tik terlalu ke pagan dirik sampai sanggup bersumpah entik ditagang begulai lalu ka munuh dirik, bakanya gak ngau sidak tik belaki bini… laki tauka bini ka khawin baru… bini bertaban lari ngau laki…. Laki bertaban lari ngau induk….
Laban terlalu mutus ati terlalu sayau ke pagan dirik baka sidak ya sanggup begadai nyawa, nya meh kitai mensia udah pandak runding endak ingat agik ke Tuhan lalu milih jalai tik salah mutus ke tali seput dirik ketegal pandak penemu ketegal pengerindu.

3) Penyakit / Timpang(cacat)
Semua kitai mensia ngarap ke pengidup tik manah nadai penyakit tau ke timpang (cacat) sempurna baka org bukai ulih bejalai makai utai tik di kerindu ke ati. Laban terlalu mikir ke penusah dirik tik berbenyakit lalu ngai kenusah ke org ketegal timpang sidak tok terlalu mudah sinu ati entik bisik org salah jako ngemedis ke ati sidak. Lalu ketegal stress tau ka penusut penemu sereta ngai ngenusah ke org sidak tok mudah pandak runding lalu milih penemu tik salah nya. Sitik pekara tau ke chara nagang utai bakatok ianya beri meh kaunseling ngau manah gagai sidak sereta jaga ngau manah awak sidak ya ngasai penyayau kitai endak berbagi taja pan sidak bakanya. Perati ke tingkah laku sidak entik nyelaie ari baka slama bait berandau ngau manah nama utai ke nusut runding iya. Aku agik ingat maya ku nembiak suba bisik siko nembiak diumah panjai kami tik timpang (cacat) ketegal ngai ditagang indai ya makai utai manis terlalu mayoh ia pedis ati lalu ngirup racun rumput ke ngejung ya mati..kitai nemu org baka tok terlalu sensitif lalu kitai mesti ati2 maya merik sidak jako.

4) Berhutang ngau Along/apek bayat
Bisik org madah duit ukai semua utai ulih ke kitai idup nadai duit keni ka meli pemakai ngau utai tik kena nerus ke pengidup. Pemerinsa dalam idup sitik ari seribu jalai kitai tusut runding sereta pandak penemu tik ngasuh kitai mensia milih jalai tik nyelipang tok. Ari pemerinsa tok meh kitai mensia nadai mikir panjai gaga utai tik salah laban ka cepat idup senang, tapi penyenang Kenya meh mai sitik penusah entik hasil ari duit ringgit nya ukai ari hasil tik betul minjau duit ari Along tau ka apek bayat. Nya mayoh kitai ninga bisik org munuh dirik ketegal ari utang tik mayoh sampai hidup endak senang di giga Along. Biarlah idup kitai merinsa asal kitai rajin keja lalu lari ari penusah ari minjau duit.

5) Main Saham / Berjudi / Ngirup arak
Kadang2 kitai mensia endak puas entik endak bulih mayoh gik reta dalam idup awak ke dikebasa org sereta berulih ke pgidup tik lebih manah gagai bini/laki sereta anak. Sampai bisik segelintir kitai mensia sanggup nangung risiko rugi dalam bermain saham tau ka berjudi awak bulih mayoh gik duit ringgit… maya menang ketawa maya kalah anak bini jadi mangsa di anu…Saham tik mayoh dilabur entik nasid manah ulih mai pengutung entik salah ulih merik org nya bankrupsi tik ngunjung ke reta benda semua disita bank. Maya tok meh kitai mensia tusut penemu ngau runding tik ngujung ke sidak munuh dirik ketegal endak ulih nerima nasid sereta penusah ngau pemalu. Sitik gik pekara tik selalu nyadi di umah ianya kitai mensia tik ketagih arak bisa tik ngasuh mabuk lalu ka datai jari ngau bala dirik sebilik anak/bini/apai/indai jadi mangsa, lalu org tik nyepi pgidup baka tok meh selalu di dinga kitai milih chara muntang ianya munuh dirik……


Aku nulis topik tok laban aku terkenang ngau siko ibuk tik munuh dirik ketegal laki ya tik ka kahwin baru, laban engai berkongsi laki sereta endak sanggup medak laki ya d empu org lain ibuk tok kempang ati makai ubat tik bisa lalu ngejung mutus ke seput ya….aku terpikir nama kitai mensia sanggup mati ketegal sayau ke orgnya tapi kitai endak terpikir bisik ke org nya ngenang kitai entik dah mati, bakani pun kitai endak diguna agik ingat meh bisik anak, ucu ngau icit sereta kaban belayan tik meruan ngau kitai laban petara bisik medak kitai. Rindu maya ke tamu nadai gik medak ibuknya berjual sayur agik, mutus ati nuan ibuk milih charanya ngena nutup pemerinsa tik di tanggung nuan selama tok…. Harap Tuhan ngampun penyalah nuan.. Amin!

Aku terpikir enti meh pengidup kitai semua tok ulih mati dah nya hidup baru mesti mayoh kitai ka nguji mati ngasai ke bakani, sayau meh endak ulih laban hidup kitai mina sekali mati pun mina sekali…. Ingat meh semua utai ulih dibait berandau duduk begulai ngau manah ninga ke dulu runding pagan dirik anang ngambik penemu tik mudah tau ke salah tik ulih ngenusah ke org tik di sayau ke kitai. Ingat meh utai tik salah nya sigik senang datai dalam pala kitai maya tusut runding ingat gagai petara sereta tuhan awak dijauh ke ari penusah lalu diberi penyenang.

Pransang sereta belajar Jako Iban

Pransang pengidup
“Pemerinsa pengidup ukai penanggul dalam kitai ngejar penemu lalu ngubah pengidup awak ke lebih menyana”

“sapa ngelusu keja ya gak papa, sapa ke rajin keja senang ngau kaya pengidup ya”

“Penentu pengidup ti menuku ukai bepanggai ba brapa kali kitai labuh, tang ba pengerajin ngau pegeliat kitai angkat baru”

“Belajar betati ngau ninga ari org laban pintu peluang endak datai selalu”



Aram belajar jako iban

Aku datai enggau - "Saya datang dengan"
Dinga meh-"dengarlah"
Anang inggar / ragak-"Sila, senyap"
Aku rinduka nuan-"Saya cinta/rindu kamu"
Manah-"Bagus, Baik"
Jai'-"Rosak atau jahat"
Sapa enggau nuan?-"Siapa dengan kamu?"
Anang guai - "tunggu sekejap"
Nadai ngawa nya - "Tak mengapa"
Nyamai wai - "sedap nya"
Pulai dulu-"Saya balik dulu"
Aram bekelala-"Mari berkenalan"
Pengerindu-"Cinta dan kasih sayang"
Ari ni penatai nuan? - "Awak dari mana (lokasi /asal)?"
Aku datai ari. - "Saya datang dari."
Pukul brapa diatu? - "Sekarang pukul berapa?"
Selamat lemai! - "Selamat petang!"
Selamat datai! - "Selamat datang!"
Anang manchal! - "Jangan nakal!"
enda ulih datai - "Tak dapat datang"
Nama brita nuan? - "Awak apa khabar?"
Sapa nama nuan? - "Siapa nama awak?"
Brapa rega utai tu? - "Berapa harga barang ini?"
Dini alai utainya? - "Dimana barang tu?"

Dunya bepadah kitai Iban kelia (Tawak)

Aku agik ingat maya dulu menya maya aku agik biak entik ninga pangkung bunyi tawak maya di kebun getah tauka di umai ati ku sigik irau serta takut, bunyi tawak tok mayuh reti ngagai raban kitai iban kelia suba ngena manggil tauka ngangau nesau sereta ngena minta bantuk orang mayuh maya dalam penusah. Maya diumah panjai kami suba tawak selalu ngena nesau org sereta umah panjai ke endak jauh pasal bisi orang mati bebadi ngau penusah ke lain…..tawak gak ukai dikena nesau penusah ajak tapi ya ngena nesau org datai ngulu ke pechara tau ke pengerami lain.

Laban maya suba nadai telepon binjing baka maya ari diatok sereta internet ngena ngajung pesan. Selalu ya tawak dipangkung ngena madah ke penusah kitai baka:

1) Bisik org mati bebadi
2) Bisik penusah umah angus
3) Bisik penusah ampuh bah tauka tanah runtuh
4) Ngena minta sah maya diserang musuh
5) Bisik pechara tauka pengerami
6) ngangau ke bala mayuh nurun ngayau (maya kelia suba)

Tok meh chara tik di kemeran ke aki ini kitai suba maya bertesau sereta ngagau ke org mayuh ngulu penusah, taja pan iya chara ti nyelaie tang ngasi amai dalam pengidup raban kitai iban di umah panjai maya kelia. Sigi adat raban kitai pama ninga pangkung tawak sapa ke rumpas sigi ngesah pagan dirik.

Aku agik ingat pesan ngau jako niang ini ku, Tawak, tajau, benda, sumpit, terabai ngau kain tenun pua kumbu, tikai anyam berbuah nya semua utai asal kitai iban ti ulih simpan manah awak ke jadi tanda ngagai anak ucu icit kitai jemah ila.

Tawak mayoh guna dalam pengidup kitai, ia megak diguna maya pegerami baka dalam gambar tok dimain begulai ngau geromong kena Ngajat.






Tawak dipalu sereta dimain entik maya nyambut menantu tauka nyambut org besai maya pegerami gawai tauka melah pinang tauka kahwin.

Pengidup kitai Iban

Saritok aku ka nulis mimit tentang kaum iban, kaum bala sidak mak ku….
“Agik Idup Agik Ngelaban” endak kala lenyau ari mulut kitai iban laban jako peransang tok meh jadi peransang dalam pengidup kitai. Kaum kitai Iban entik nitih ke ripih cherita org kelia suba dikumai (Dayak Laut) bisik lebih ari 30% kaum kitai iban di menoa Sarawak kaum tebesai. Mayoh bangsa kitai iban agik ngemendar ke adat lama adat aki inek kitai kelia laban nya endang pesaka asal, pesaka bansa kitai empu (adat Miring, Bermanang, gawai antu, gawai burung, gawai kenyalang ngau ke lain gik). Pengawa ngau main kitai iban baka serimban tau ka selingku, gasing, bapencha, kuntau, bechekak, bibat lengan, bepancha, ngajat, nyambung dimain nembiak kitai maya kelia suba. Maya nemuai ngagai rumah Pajai tebal agi pengerindu aku tentang leka main enggau pengawa asal kitai bansa baka macham biau enggau pengawa miring serta ajat kitai iban. Nembiak maya ari diatok asaika patut bendar meretika pengawa lama bansa kitai.

Pengidup bala kitai iban di umah panjai selalu ya di tuai siko “Tuai umah” org tik nemu adat pemali ngau edak kekang mantuk anak buah ya dlm semua hal. Sitik utai tik ku rindu ngau pengidup di umah panjai ia nya maya bisik pengerami tok meh maya bala aki, inek, ayak, ibuk semua begotong royung mantuk pagan dirik. Semua penti pemali kitai Iban agi beguna magang kemaiaharitu. Kabuah pia, penti pemali tu ngasoh kitai bejimat serta bebasa ka semua utai, ukai semina bebasa ka diri empu, tang mega bebasa ka orang bukai ti begulai pendiau enggau kitai lebih-lebih agi dalam rumah panjai.








Pemajik bala Induk Iban maya ngena kepan iban.









Main asal kitai iban "Ngajat"








Adat Miring tik agik di ngemendar ke kitai.